Desde hai xa un tempo
levamos soportando as políticas de recortes do actual goberno
impopular, o que supón unha claro deterioro das condicións das
nosas vidas. No presente, o PP da corrupción e o
malgasto xestiona para os escuros intereses do BCE e o FMI,
salvando os desastres das elites oligárquicas e esquecéndose por
completo de quen di representar.
No concreto, a mocidade
na Galiza sufrimos con dureza a saída dos partidos do Réxime para a
actual crise do capital, traducida esta en máis desemprego,
precariedade e máis privatizacións do chamado sector público.
O sector educativo non
queda á marxe destas medidas contrarias ás clases populares. Os
golpes contra a nosa formación céntranse na exclusión, na
segregación e na discriminación da nosa lingua e cultura
nacional. Coa actual LOMCE ( e todo o que esta lei
leva ), mais o modelo do 3+2 ,
trátasenos como mercadoría, limitando así aínda máis o noso
acceso a un ensino público, democrático, laico, de calidade e en
galego.
O Encontro de Marxistas,
espazo coordinador e de debate entre as revolucionarias de recente
creación, chama a dar unha resposta en clave unitaria e combativa,
en contraposición ós valores individualistas e liberais que nos
ofrece esa "nova esquerda"
ciudadanista, indefinida ideolóxicamente. Un certeiro
ataque que centre os seus obxectivos no marco político herdado do
franquismo, a Monarquía Parlamentaria, e o sistema económico de
libre mercado en acelerada decadencia. En definitiva, contra os
nosos inimigos de clase.
Así pois, a
xuventude temos coma inaprazables tarefas a construción
dunha República Popular, baseada na libre adhesión das nacións
e pobos encarceados por o actual Estado Español, e do
Socialismo, como etapa previa a unha sociedade plenamente igualitaria
e xusta, a Comunista.
Sabemos que nos atopamos
ante a urxencia de conformar un sindicato estudantil forte e
cohesionado para que devolva a vida á mobilización
social, pero tamén é de primeira necesidade recuperar o
prestixio das leninistas e avanzar xuntas para a
construcción do Partido Comunista.
POR UNHA EDUCACIÓN Ó SERVIZO DO POBO!
POR UN ESTUDANTADO VALENTE E ORGANIZADO!!!
No hay comentarios:
Publicar un comentario