O primeiro “Encontro de Marxistas” celebrouse o domingo día 6 de
Marzo en Pontevedra, o chamamento acudiron comunistas de toda Galiza que
militan en diferentes partidos e organizacións da esquerda marxista é
camaradas a nivel individual.
O “Encontro de Marxistas” é un proceso propio da Galiza pero aberto
a coñecer e compartir experiencias con proxectos similares que están a
xurdir tanto no estado español como a nivel internacional, nesta ocasión
contamos coa presencia de dous camaradas que están a impulsar a
“Plataforma de Comunistas” en Madrid.
Nas intervencións fíxose un análises da actual situación nacional e
internacional facendo fincapé na vixencia da loita de clases como motor
da historia, concordamos en que para poder definirse de esquerdas hai
que ser anticapitalista, que é preciso recuperar o prestixio dos
comunistas entre a clase obreira.
Entendemos que é necesaria a superación do réxime do 78 para poder instaurar a
República con unha verdadeira democracia popular, e a realización dun
traballo pedagóxico sobre esta tarefa.
Os comunistas debemos ser un suxeito político real, o comunismo é dialéctica, é organización, é debate, pero tamén audacia e práctica.
Os comunistas debemos ser un suxeito político real, o comunismo é dialéctica, é organización, é debate, pero tamén audacia e práctica.
Partindo da base de que a esquerda sempre é rupturista entendemos a
necesidade da unidade da esquerda, e de participar en todos os espazos
de confluencia para ser ferramenta de cambio real en mans das
traballadoras e traballadores, esta confluencia debe basearse no debate,
nos posiciónamentos de carácter ideolóxico, nos programas políticos,
non só no resultadismo e na mercadotecnia.
Sabemos que é necesario que as comunistas e os comunistas fagan oír
a súa voz nos movementos de masas, sabemos que o “ciudadanismo” froito
da revolución francesa non pode cambiar a sociedade posto que defende as
posicións da burguesía.
Estamos ante unha crise económica da que non se pode saír dende o
capitalismo, é unha crise de sobreprodución e de escaseza de recursos
enerxéticos, unha crise da que nacen as actuais guerras de rapiña e de
destrución de estados para roubar as riquezas dos pobos.
Constatamos que é necesaria unha maior participación da muller
liderando a loita contra o sistema, posto que a muller é dende sempre a
parte da clase obreira máis explotada, e a quen esta afectando a crise
máis duramente.
Tamén precisamos dunha maior presencia da xuventude, traballar na
formación de novos cadros comunistas, crear un espazo de debate e
intercambio de ideas é unha peza fundamental para a recuperación da
conciencia de clase.
Os comunistas debemos estar presentes activamente en todos os
frontes de masas e non perdernos na burocracia institucional, para iso
precisamos de masa crítica, de bases preparadas, de militancia activa,
demostrando a nosa capacidade para cambiar a realidade, para construír
alternativas o sistema, traballando dende dentro das institucións
burguesas pero sobre todo na rúa, nos centros de traballo, na loita
estudantil...
Temos que ser vangarda e punta de lanza na loita contra as guerras,
conta a explotación, defendendo os dereitos da clase obreira, avisando
do perigo que supón o capitalismo para a supervivencia da nosa especie e
da vida no noso planeta.
Entendemos que é necesario que a Galiza teña un proceso propio,
somos unha nación cunha historia, unha cultura, e unha lingua propias,
pero non debemos perder de vista o carácter internaciolista e de unidade
de clase da nosa loita.
Emprazámonos a novos encontros nas diferentes comarcas e
localidades da Galiza, e a continuar traballando nas nosas organizacións
e partidos, a seguir camiñando cara o horizonte comunista, e a seguir
difundindo a necesidade de “encontrarnos no encontro”.
Comezamos dende agora a preparación de un SEGUNDO ENCONTRO NACIONAL.
Proletarios de todos os países unídevos!
Salud camaradas, sería muy enriquecedor para el blog poner también los textos en castellano, gracias y un saludo marxista-leninista.
ResponderEliminar